У Гомельскай вобласці асуджанага за забойства знайшлі праз пяць гадзін пасля пабегу
Здарэнне адбылося ў 17:00 у аўторак у Веткаўскім раёне: 41-гадовы асуджаны, пагражаючы нажом супрацоўніку папраўчай калоніі, збег з тэрыторыі сельгаспрадпрыемства, дзе працаваў.
Работнікі калоніі і Веткаўскага РАУС былі ўзняты па трывозе, на тэрыторыі суседніх раёнаў і ў Гомелі ўводзіўся спецплан па пошуку злачынцы. На затрыманне мужчыны арыентаваліся ўсе дзяжурныя нарады вобласці, паведамляе прэс-служба МУС.
Каля 22:00 мужчыну затрымалі на вуліцы ў вёсцы Залаты Рог. У яго знайшлі нож.
Мужчына — з Магілёўскай вобласці, у 2013 годзе за ўчыненне забойства яго прысудзілі да 9,5 гадоў пазбаўлення волі. З 2019 года ў сувязі са змякчэннем рэжыму адбываў пакаранне ў калоніі-пасяленні ў Веткаўскім раёне.
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?1
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары