Мінулыя суткі былі няпростыя: моцны вецер, галалёд і ўтварэнне лёду па ўсходзе краіны. У 15.22 на метэастанцыі «Орша» дыяметр галалёду дасягнуў крытэрыю небяспечнай з'явы — 20 мм, паведамляе 112.by.
Усяго былі зафіксаваныя 163 выпадкі падзення дрэў, у выніку якіх пашкоджаны 28 аўтамабіляў: у Віцебскай вобласці — 106 выпадкаў, 22 аўтамабілі; у Гродзенскай — пяць выпадкаў; у Мінскай — два выпадкі; у Магілёўскай - 50 выпадкаў, шэсць аўтамабіляў.
У Віцебскім раёне дрэвы ўпалі на чыгуначныя рэйкі і паветраныя лініі электраперадачы, прызначаныя для сілкавання станцыйных і перагонных прылад аўтаматыкі.
Затрымка руху 10 пасажырскіх цягнікоў склала ад 18 хвілін да 1 гадзіны 14 хвілін, аднаго грузавога цягніка — 2 гадзіны 57 хвілін.
У Магілёве праз утварэнне тоўстага пласту лёду на тралейбусных кантактных лініях на 12 маршрутах не выйшлі 76 тралейбусаў. У Брэсце на вуліцы Гаўрылава парывам ветру сарвала навес прыпыначнага пункта. Траўмы атрымалі дзве жанчыны, яны шпіталізаваныя.
У Аршанскім раёне былі адпраўленыя ў іншыя ўстановы 44 пацыенты з Арэхаўскай і Межаўскай участковых бальніц, якія засталіся без электра - і цеплазабеспячэння.
Цягам сутак перыядычна парушалася электразабеспячэнне 1627 населеных пунктаў (з іх 652 - у Віцебскай, 584 - у Магілёўскай і 227 - у Гомельскай абласцях).
Па стане на 8.00 застаюцца без электразабеспячэння 716 населеных пунктаў у Віцебскай, Гомельскай, Мінскай і Магілёўскай абласцях.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й21
Каментары