Бізнэсмен Аркадзь Ратэнберг заявіў у інтэрв'ю Mash, што менавіта ён з'яўляецца ўладальнікам «палаца Пуціна» з расследавання Аляксея Навальнага.
«Цяпер ужо будзе не сакрэт. Я з'яўляюся бенефіцыярам. Там быў досыць складаны аб'ект, было шмат крэдытораў. Мне ўдалося стаць бенефіцыярам. Гэта — знаходка. Месца шыкоўнае», — кажа Ратэнберг.
Паводле яго слоў, будуецца апарт-гатэль, які адкрыецца праз «два-тры гады».
Нагадаем, 19 студзеня фонд Аляксея Навальнага выпусціў фільм-расследаванне «Палац для Пуціна». У ім гаварылася, што прэзідэнт Расіі карыстаецца рэзідэнцыяй на Чорным моры, якая каштавала не менш за мільярд даляраў і пабудаваная на грошы яго сяброў і звязаных з імі кампаній. Фільм набраў ужо больш за 100 мільёнаў праглядаў на ютубе.
Каментары