Святлана Воцінава, галоўная рэдактарка літаратурнага часопіса «Маладосць», звольненая са сваёй пасады. Пра гэта яна распавяла Tut.by.
— У мяне кантракт да 31 кастрычніка 2022 года. Але такое рашэнне Міністэрства інфармацыі, я сыходжу. Збіраюся зараз (сумна пасміхаецца).
— Вы будзеце дапрацоўваць месяц?
— Не, я не буду. Мне сказалі [працаваць] да 1 сакавіка. Да мяне якраз учора прыйшлі студэнты на практыку, я сканцэнтравала на іх увагу, таму пагарачылася — напісала заяву, што 26 сакавіка — мой апошні працоўны дзень. Сёння я пра тое пашкадавала і прашу, каб мяне адразу адпусцілі. Сэнс яшчэ чатыры тыдні працаваць, рабіць яшчэ адзін нумар з улікам таго, што мая праца прызнаная кепскай? Гэта проста нонсэнс. Я хачу сысці адразу.
— Хто прызнаў вашу працу кепскай? Міністэрства інфармацыі?
— Або Саюз пісьменнікаў Беларусі. Ад іх была скарга, што часопіс «Маладосць»… (паўза). Яны ўвесь час скардзіліся, як мы працуем. Гэтым разам іх скаргі былі прынятыя, разгледжаныя і задаволеныя.
Па словах галоўнага рэдактара «Маладосці», запасных «аэрадромаў» ў яе няма — яна знаходзіцца ў пошуках працы.
Святлана Воцінава з'яўлялася галоўнай рэдактаркай часопіса з 2012-га.
Якраз у гэтым годзе выданне ўвайшло ў склад створанага Выдавецкага дома «Звязда» (разам з газетамі «Звязда» і «Літаратура і мастацтва», часопісамі «Полымя», «Маладосць»).
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары