Эксперт: Рыхтуецца татальная забарона любой публічнай крытыкі сітуацыі ў краіне
Ідуць паведамленні аб падрыхтоўцы беларускімі дзяржорганамі сапраўды драконаўскіх змяненняў у заканадаўства. У прыватнасці, аб планах неймаверна пашырыць дзеянне артыкула КК 369-1, піша эксперт Андрэй Елісееў.
«Наўмыснае распаўсюджванне ў любой форме загадзя лжывых звестак аб палітычным, эканамічным, сацыяльным, ваенным або міжнародным становішчы РБ, накіраванае на прычыненне шкоды нацыянальнай бяспецы РБ, прапануецца караць арыштам або пазбаўленнем волі на тэрмін да трох гадоў», — такая норма закона прапанаваная.
Калі гэта будзе прынята ў такім выглядзе, улічваючы яшчэ і бязмежную прававую практыку, то фактычна адбудзецца забойства аналітычнага жанру ў СМІ, а таксама працы даследчых цэнтраў любога кшталту.
Пры такой размытай фармулёўцы і пры вольным тлумачэнні судовымі органамі любы крытычны экспертны каментар можна будзе падвесці пад дзеянне артыкула, мяркуе Андрэй Елісееў.
Усім вядома абсурдная крымінальная справа ў дачыненні да журналісткі TUT.BY Кацярыны Барысевіч і доктара бальніцы хуткай медыцынскай дапамогі Арцёма Сарокіна, якія праінфармавалі грамадскасць аб адсутнасці алкаголю ў крыві забітага Рамана Бандарэнкі.
А калі так, то дзяржорганам нічога не будзе каштаваць прыцягваць за вушы зменены артыкул КК да любой непажаданай ацэнкі сацыяльна-эканамічнай або палітычнай сітуацыі ў краіне.
Эканаміст пакрытыкаваў адсталую сістэму сацыяльнага забеспячэння ў Беларусі ў сваім артыкуле, палітолаг або правазнаўца растлумачыў у радыёпраграме, чаму беларуская Канстытуцыя — фікцыя, міжнароднік выказаўся аб правале замежнай палітыкі ў фэйсбуку — усіх іх тады могуць пры жаданні абвінаваціць у «наўмысным распаўсюдзе загадзя лжывых звестак». І ніякія спасылкі на аб'ектыўныя лічбы і навуковыя аргументы не дапамогуць.
Сапраўды гэтак жа, як не дапамагаюць шматлікім затрыманым відэаматэрыялы, якія адназначна абвяргаюць версіі пра час, месца і абставіны іх затрымання, а ахвярам катаванняў не дапамагаюць дакументальна зафіксаваныя спецыялістамі характарыстыкі нанесеных ім пашкоджанняў (усё выдумалі і «мазалі фарбай» — так сказалі зверху).
Праз такія змены ў заканадаўства плануюць выпаліць усялякую аб'ектыўную ацэнку падзей у краіне ў анлайн СМІ, зачысціць цяпер ужо і анлайн-прастору. Уся, нават навукова і факталагічна абгрунтаваная, крытыка рызыкуе сысці ў ананімныя тэлеграм-каналы.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары