У Віцебску выпаў град дыяметрам 9 мм, а на Палессі чакаюцца прымаразкі на тарфяніках.
Цыклон, які фарміруе надвор'е ў Беларусі, днём 5 чэрвеня зноў выклікаў навальніцу, град і парывісты вецер.
Як паведамілі БелаПАН у Рэспубліканскім гідраметэацэнтры,
ва ўсіх абласцях, за выключэннем Гомельскай і Магілёўскай, месцамі прайшоў град. Найбольш буйным ён быў у Віцебску (9 мм) і Івацэвічах Брэсцкай вобласці (8 мм).
Парыў ветру да 19 м/с зафіксаваны ў Баранавічах (Брэсцкая вобласць), да 18 м/с — у Кастрычніцкім (Гомельская). Найбольшая колькасць ападкаў выпала ў Слуцку (Мінская) — 14 мм, або 14 літраў вады на квадратны метр тэрыторыі.
1 чэрвеня ў Лепелі (Віцебская вобласць) і Мар'інай Горцы (Мінская) выпаў град дыяметрам 1 см.
6 чэрвеня ў Беларусі будзе воблачна з праясненнямі. Месцамі кароткачасовыя дажджы, днём магчымыя навальніцы. Вецер пераменных напрамкаў 4—9 м/с, пры навальніцах парывы да 14 м/с. Тэмпература паветра ноччу плюс 2—8°C, на тарфяніках Палесся замаразкі ад 0 да мінус 2°C, днём плюс 12—18°C, на паўднёвым захадзе да плюс 21°C.
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары