Брусель: Ліст Лукашэнку з тытулам «прэзідэнт» не азначае, што ён легітымны кіраўнік дзяржавы
Прэсавы прадстаўнік зьнешнепалітычнай службы ЭЗ Пэтэр Стана патлумачыў «Свабодзе», што нядаўні ліст ад Эўракамісіі і СААЗ Аляксандру Лукашэнку, у якім ён называецца прэзыдэнтам, не азначае, што Брусэль лічыць яго легітымным кіраўніком дзяржавы.
«Ліст быў накіраваны Аляксандру Лукашэнку ў якасьці будучага старшыні Садружнасьці Незалежных Дзяржаў з запрашэньнем Беларусі ў ACT (Ініцыятыву паскарэньня доступу да сродкаў для барацьбы з COVID-19. — РС) у гэтай якасьці», — сказаў «Свабодзе» Пэтэр Стана.
«СААЗ, якая лідэравала ў рассылцы сумесных запрашэньняў, вырашыла выкарыстаць у афіцыйным паштовым адрасе тытул прэзыдэнта рэспублікі. Гэта ніякім чынам не азначае зьмены ўсталяванай пазыцыі ЭЗ, які лічыць, што Лукашэнка ня мае дэмакратычнай легітымнасьці», — дадаў ён.
Пэтэр Стана таксама адзначыў, што СААЗ прызнала памылку ў выкарыстаньні ў лісьце подпісу кіраўніцы Эўракамісіі Урсулі фон дэр Ляен. Паводле Стана, ліст меўся быць падпісаны камісаркай Эўракамісіі Стэляй Кірыякідэс.
Напярэдадні прэс-служба Аляксандра Лукашэнкі апублікавала ў тэлеграм-канале «Пул Першага» копію ліста ад кіраўніцы Эўракамісіі Урсулі фон дэр Ляен і кіраўніка Сусьветнай арганізацыі аховы здароўя Тэдраса Гебрэесуса, дзе да яго зьвяртаюцца як да «прэзыдэнта» Беларусі.
«Пішуць адно, а на Захадзе вітаюць іншых. Маглі напісаць экс-прэзыдэнту, былому прэзыдэнту ці беларускаму народу. Тым ня менш я ўдзячны, што яны разумеюць, хто ў доме гаспадар», — пракамэнтаваў гэты ліст Лукашэнка падчас Усебеларускага народнага сходу.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую1
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары