Хлопца, які заляпіў стыкерамі відэакамеры на Акрэсціна, асудзілі да 1,5 года калоніі
Суд Фрунзенскага раёна Мінска 17 лютага вынес прысуд па крымінальнай справе па ч. 1 арт. 342 Крымінальнага кодэкса супраць 21-гадовага палітвязня Ігара Пражэннікава. Яго абвінавацілі ў тым, што ён 4 кастрычніка на «Маршы вызвалення палітвязняў» блакаваў рух счэпкамі, заляпляў налепкамі камеры відэаназірання каля ЦІП і ІЧУ ГУУС Мінгарвыканкама, чым прыпыніў працу гэтых ўстаноў, блакаваў рух спецтранспарту на Акрэсціна. Яго абвінавацілі ў прыпыненні руху ў Мінску 4 кастрычніка каля 50 транспартных сродкаў. Суддзя Юлія Чыж пакарала Ігара 1,5 гадамі калоніі агульнага рэжыму, паведамляюць праваабаронцы.
Віну Ігар прызнаў у поўным аб'ёме.
Ігар Пражэннікаў сказаў у сваім апошнім слове:
«Калі скажу, што я паддаўся натоўпу — не саграшу. Гэта быў юнацкі максімалізм. Я не апазіцыянер, не рэвалюцыянер, я не нясу ідэі ў масы.
За кратамі прыйшло асэнсаванне, што я патрэбны толькі сваёй сям’і, маці. Віну цалкам прызнаю, шкадую пра тое, што зрабіў».
Дзяржаўная абвінаваўца Крысціна Асран палічыла, што віна Ігара цалкам даказаная, і прасіла суд пакараць яго 1 годам 6 месяцамі пазбаўлення волі ў калоніі агульнага рэжыму. Менавіта такое пакаранне і прызначыла суддзя Юлія Чыж.
Чытайце таксама:
Пракурор патрабуе паўтара года зняволення хлопцу, які заклеіў вочка відэакамэры на Акрэсціна
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары