Бюджэтны электрамабіль Hong Guang Mini EV ужо актыўна прадаецца ў Кітаі.
Аўтамабіль — вынік сумеснай працы кітайскай дзяржаўнай кампаніі SAIC Motor, найбольшага вытворцы аўтамабіляў у краіне, і гіганта амерыканскай аўтамабільнай індустрыі General Motors (GM).
У мінулым месяцы жыхары Кітая куплялі Hong Guang Mini EV у два разы часцей, чым Tesla.
Эксперты кажуць, што Hong Guang Mini EV нашмат горшы за амерыканскага канкурэнта, калі казаць пра магчымасці яго акумулятара і дынаміку падчас руху, але электрамабіль здабыў папулярнасць дзякуючы нізкай цане і зручнасці карыстання. Максімальная хуткасць яго базавай мадэлі — 100 кіламетраў у гадзіну, а ў салоне аўтамабіля ледзь хопіць месца для чатырох пасажыраў, піша ВВС.
Шон Рэйн, кіраўнік маркетынгавай кампаніі China Market Research Group, тлумачыць, што кітайскі ўрад сур’ёзна ставіцца да праблемы зніжэння забруджвання навакольнага асяроддзя і плануе зрабіць краіну сусветным лідарам у сферы электрамабіляў.
Каб зрабіць Hong Guang Mini EV яшчэ больш папулярнымі, кітайскі ўрад прапануе бясплатныя і гарантаваныя нумарныя знакі. У шматлікіх кітайскіх гарадах трэба месяцы ці нават гады чакаць магчымасці набыць нумарны знак для аўтамабіля з бензінавым рухавіком праз розныя аўкцыёны.
Аўтамабільны аналітык Сэм Фіярані паведамляе, што ў Кітаі працуе вельмі шмат вытворцаў маленькіх і танных электрамабіляў. Аднак яны не могуць развіваць вялікую хуткасць. Таму гэтыя машыны не карыстаюцца вялікай папулярнасцю. Аўтамабілі Hong Guang Mini EV — першы выпадак, калі вялікая кампанія прапанавала карыстальнікам аўтамабіль больш высокага ўзроўню.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары