Супраць кіраўніка АГП Мікалая Казлова распачалі крымінальную справу па артыкуле 407 «Разгалошванне даных дазнання».
Пра гэта ён паведаміў «Нашай Ніве».
«Пра тое, што на мяне завялі справу, я даведаўся ўчора ад свайго адваката. Дэталяў ніякіх не ведаю — толькі факт завядзення справы, — кажа Мікалай Казлоў. — Гэта звязана, напэўна, з маім допытам па справе Каардынацыйнай Рады, бо па іншых справах ніякіх мяне не выклікалі.
Але што я мог разгалосіць?
Адзінае, што я мог разгалосіць, — што справа сфабрыкаваная. Але ж гэта і так усе ведаюць.
Таму я трохі ў здзіўленні. Выглядае, што проста хочуць згатаваць чарговую справу на пустым месцы.
Чым скончыцца, не ведаю і не разумею пакуль. Магчыма, пасля допыту — ці на судзе? — будзе штосьці больш зразумела. Залежыць ад таго, наколькі рашуча настроеная сістэма. Але ж відавочна, што гэтая «справа» проста сшытая белымі ніткамі».
Пакаранне за «разгалошванне дадзеных дазнання» — ад штрафа да арышту.
Чытайце таксама:
Кіраўніка АГП Казлова будуць судзіць… за адмову даць падпіску аб неразгалошванні
Кіраўнік АГП Мікалай Казлоў адбывае 15 сутак на Акрэсціна, і ў гэты час адбываюцца незразумелыя рэчы
«Гэта дробная подлая помста»: кіраўніка АГП Казлова пратрымалі 3 дні на Акрэсціна
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары