Здарэнні

Крыніцы: Крымінальнага аўтарытэта Кушнера, які з нажом аказваў супраціў пры затрыманні, адпусцілі. Імаверна, без крымінальнай справы

Інфармацыйныя рэсурсы МУС 19 лютага паведамлялі аб затрыманні «злодзея ў законе» Аляксандра Кушнярова («Кушнера»), які «дастаў нож і паспрабаваў адбіцца ад супрацоўніка спецпадраздзялення». 

Разам з ім затрымалі яшчэ двух чалавек з Расіі. Паведамлялася, што ў іх знайшлі рэчы, падобныя да псіхатропаў.

«Усе трое знаходзяцца ў ізалятары часовага ўтрымання. Па фактах узброенага супраціву і незаконнага абароту наркотыкаў праводзіцца праверка, па выніках якой будзе дадзена прававая ацэнка дзеянням», — рэзюмавала міліцыя.

Аляксандр Кушняроў

Кушняроў — кілер гомельскай банды «марозаўцаў». Яму 54 гады.

Сядзеў за крадзежы ў 1984-1992. Пасля вызвалення ўступіў у банду «марозаўцаў». Праз некалькі гадоў зноў арыштаваны, у 1995 годзе яго прысудзілі да смяротнага пакарання за забойствы. Потым суд замяніў прысуд на 15 год турмы, а ў выніку Кушняроў па амністыі выйшаў яшчэ раней, у 2008 годзе, і пачаў сцвярджацца ў крымінальным свеце Беларусі. Апроч таго, сядзеў у 2011, у 2012-2014.

Дык чым скончылася гісторыя з затрыманнем? Як стала вядома «Нашай Ніве» ад дзвюх не звязаных між сабой крыніц, Кушняроў цяпер знаходзіцца на свабодзе, крымінальныя справы супраць яго заведзены не былі.

Інфармацыю спраўдзіць у сілавікоў не ўдалося, таму што ні Следчы камітэт, ні МУС не адказалі на запыты. 

«Кушнярову далі суткі і ўжо выпусцілі. Ну яшчэ палкамі пабілі троху. Яго ж бралі не па форме, ён падумаў, што бандыты — ну а як адрозніш? Яго ж нядаўна моцна пабілі «канкурэнты», вось ён і патлумачыў: дастаў нож, бо думаў, што зноў напалі», — сказала знаёмая з сітуацыяй крыніца. 

Сапраўды, па звестках сайта «Прайм Крайм», нядаўна Кушнярова пабілі жалезнымі прутамі, калі ён выгульваў з жонкай сабаку. Прычынай разборак стаў статус «злодзея», які актыўна аспрэчваюць іншыя «аўтарытэты». 

Нагадаем, што беларусы працягваюць атрымліваць драконаўскія тэрміны па абвінавачаннях, напрыклад, у зрыве балаклавы з сілавіка. Так, грамадзянка Швейцарыі Наталля Хершэ атрымала за гэта 2,5 года калоніі. 

Раней цяперашні намеснік міністра ўнутраных спраў Мікалай Карпянкоў ужо казаў, што «прадстаўнікі класічнага крыміналітэту цяпер не проста трымаюць нейкі нейтралітэт. Яны нават вядуць больш законапаслухмяны лад жыцця на фоне экстрэмістаў з апазіцыі». 

Каментары

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць