Памерлую жанчыну выклікалі на допыт у СК. Раней яе сын стаў фігурантам крымінальнай справы
У Берасці памерлую Марыну Сіліч выклікалі на допыт у Следчы камітэт. Раней у дачыненні да ейнага сына распачалі крымінальную справу паводле ч. 2 арт. 363 («Супраціў супрацоўнікам органаў унутраных спраў»), паведамляе «Белсат».
Марына Сіліч памерла летась у ноч з 2 на 3 лістапада, але 19 сакавіка мусіць нейкім чынам прыйсці на допыт у якасці сведкі да следчага А. Ю. Юркевіча. Ейны сын Ілля Сіліч 20 верасня ўдзельнічаў у пратэставай акцыі ў Берасці. Тады сілавікі затрымалі яго і моцна збілі, а пасля і завялі крымінальную справу. Хлопец быў вымушаны з’ехаць за мяжу, але працягвае прытрымлівацца актыўнай грамадзянскай пазіцыі: ён удзельнік платформы «Сход».
«Што тут сказаць, гэта проста абуральна. Спланаваны акт ціску на мяне праз родных», — сказаў Ілля Сіліч «Белсату».
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары