15 чэрвеня канал праходзіць на летнюю сетку вяшчання.
З 15 чэрвеня да 6 верасня будзе дзейнічаць новая праграмная сетка на тэлеканале «Белсат».
Як паведаміў БелаПАН выканаўца абавязкаў прэс-сакратара канала Сяргей Пеляса, гэта звязана з пераходам на летні графік працы.
Эфір, як і раней, будзе пачынацца а 18-й гадзіне і доўжыцца да поўначы. Не зменяць часу выхаду інфармацыйныя праграмы. Старт будзе даваць кароткае, працягласцю дзве хвіліны, выданне «Аб`ектыва» — гэтак званы флэш, у якім гледачы змогуць азнаёміцца з асноўнымі тэмамі галоўнага выпуску. Ён будзе выходзіць па-ранейшаму ў 21.00, але яго працягласць павялічыцца з 15 да 20 хвілін. Паўтор можна будзе паглядзець ў 23.40.
На кароткі адпачынак у ліпені пойдзе праграма «Госць «Белсата». У летнія месяцы таксама будуць адпачываць праграмы «Паштоўка з Вільні», «Асабісты капітал» (з ліпеня), «Сальда», YoLife!, «Кінастужка», «Тыдзень з «Радыё Свабода», «Маю права» і «Кухня».
Аднак летняй парой тэлеканал прыгадае найважнейшыя тэмы ток-шоу «Форум», найлепшыя выданні YoLife!, «Хто ёсць кім», «Невядомай Беларусі», «Без рэтушы», а таксама найбольш удалыя канцэрты. Усе гэтыя праграмы вернуцца ў эфір у верасні. Знікне толькі музычная «Кружэлка», якая зменіць фармат і назву.
«Разам з тым у вакацыйны перыяд будуць працягвацца чарговыя прэм`еры праграмаў, прысвечаных актуальным грамадскім падзеям, з удзелам знакавых постацяў: «Прэс-экспрэс», «Госць «Белсата», а таксама нядзельная праграма «Акно ў Еўропу», якая ствараецца ў партнёрстве з Еўрапейскай камісіяй. Цікаўнасць да еўрапейскай тэматыкі маюць задавальняць і новыя серыі цыкла «Еўрапейскі саюз без сакрэтаў», у якім сярод іншага асвятляецца гісторыя стварэння ЕС, прынцыпы яго функцыянавання, спецыфіка краінаў, што ўжо складаюць ЕС ці маглі б у яго ўвайсці», — паведаміў Пеляса.
Чарговы блок поўнаметражных фільмаў выйдзе у эфір пад назваю «Дакументальная гадзіна». Гэты цыкл склалі творы, што атрымалі высокую ацэнку на шматлікіх фестывалях, і нярэдка «Белсат» будзе адзіным тэлеканалам, які пазнаёміць беларусаў з гэтымі унікальныя стужкамі. «Напрыклад, з працаю латыша Эдвінса Снорэ «Савецкая гісторыя», у якой паказваецца, як Савецкі Саюз не толькі вынішчаў людзей «у прамысловых маштабах», але і супрацоўнічаў з Трэцім рэйхам», — адзначыў Пеляса.
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі2
Каментары