Дэпутаты прынялі ў першым чытанні законапраект «Аб масавых мерапрыемствах у Беларусі». Законапраект прадстаўляў у парламенце міністр унутраных спраў Іван Кубракоў, піша БелТА.
Вось асноўныя змены:
1) Адмяняецца паведамляльны парадак арганізацыі і правядзення масавых мерапрыемстваў. Раней існаваў спіс месцаў, у якіх можна было праводзіць любыя мітынгі, заключыўшы дамову з медыкамі і міліцыяй — напрыклад, каля плошчы Бангалор.
Зрэшты, гэты парадак усё адно не працаваў — міліцыя адмаўлялася падпісваць дамову з арганізатарамі Дня Волі.
Цяпер усе масавыя мерапрыемствы могуць праводзіцца выключна на падставе дазволу мясцовых органаў улады.
2) Забараняецца асвятленне ў рэжыме рэальнага часу недазволеных масавых мерапрыемстваў «з мэтай іх папулярызацыі або прапаганды».
Што маецца на ўвазе? Найхутчэй, забараняюцца стрымы з акцый. Аднак пачынаючы з лета 2020 года стрымы фактычна і не праводзіліся.
3) «На журналістаў распаўсюджваецца патрабаванне па выкананні грамадскага парадку нароўні з удзельнікамі масавых мерапрыемстваў».
Магчыма, гэта фраза мае на ўвазе, што журналістаў будуць прыцягваць да адказнасці за працу на недазволеных мерапрыемствах. Але каб вынесці за дужкі журналістаў дзяржаўных СМІ, то ўдакладняецца, што караць будуць толькі тых, хто «парушае грамадскі парадак».
«Журналістам будзе забаронена выконваць распарадчыя функцыі на масавым мерапрыемстве». Што маецца на ўвазе, незразумела.
Змены ў заканадаўстве павінны быць зацверджаныя Палатай прадстаўнікоў у некалькіх чытаннях, а таксама Саветам Рэспублікі і кіраўніком краіны. Пасля гэтага яны набудуць сілу.
Цяпер чытаюць
На свой дзень нараджэння Зяленскі з Наўроцкім, Наўседам і Ціханоўскай у Вільні ўшануе памяць Кастуся Каліноўскага2
Каментары