Міністр транспарту і камунікацый Беларусі Аляксей Аўраменка ў Баку сустрэўся з міністрам транспарту, сувязі і тэхналогій Азербайджана Рашадам Набіевым. Яны абмяркоўвалі пашырэнне транспартнага ўзаемадзеяння паміж дзвюма краінамі. Пра гэта паведамляе Tut.by са спасылкай на прэс-службу Мінтранса.
Падчас перамоў бакі абмеркавалі супрацоўніцтва ў сферы авіяцыі — аднаўленне рэгулярных палётаў паміж Беларуссю і Азербайджанам дапандэмійнага ўзроўню. На гэты момант рэгулярнае авіязлучэнне паміж Мінскам і Баку выконвае толькі «Белавія».
Аляксей Аўраменка прапанаваў азербайджанскаму калегу прапрацаваць магчымасць запуску транскантынентальнага рэйса авіякампаніі AZAL з Баку ў Нью-Ёрк і назад з прамежкавым прыпынкам у Мінску.
На ягоную думку, гэтыя рэйсы могуць быць запатрабаваныя не толькі ў беларусаў і азербайджанцаў, але і ў пасажыраў з краін Балтыі.
Абмяркоўвалася таксама развіццё чыгуначных грузаперавозак, запуск кантэйнернага цягніка Мінск — Баку. Акрамя таго, размова ішла аб супрацоўніцтве ў сферы аўтатранспарту. Беларусь выступіла з просьбай павялічыць квоту азербайджанскіх дазволаў у/з трэціх краін.
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай3
Каментары