ЕС хоча рэалізаваць амбіцыйны план па нарошчванні вытворчасці камп’ютарных чыпаў
Праз недахоп чыпаў ЕС становіцца ўразлівым да гандлёвай барацьбы паміж ЗША і Кітаем. Еўрапейскія краіны імкнуцца гэта змяніць.
У сакавіку прадстаўнікі ЕС заявілі, што блок плануе павялічыць удвая вытворчасць чыпаў да 2030 года і тым самым заняць 20% сусветнага рынку. Маўляў, дэфіцыт чыпаў у ЕС прывёў да таго, што ў першым квартале 2021 года было выраблена на мільён аўтамабіляў менш у параўнанні з такім жа перыядам летась. У сваю чаргу, аўтавытворчасць з’яўляецца адной з ключавых галін у еўрапейскай эканоміцы, піша Deutsche Welle.
Амбіцыйны план ЕС «Лічбавы компас» прадугледжвае інвестыцыі ў памеры 140 мільярдаў еўра ў лічбавы сектар, а таксама каб еўрапейскія фірмы па вытворчасці чыпаў сталі перадавымі пасля двух апошніх дзесяцігоддзяў аўтсорсінгу ў азіяцкія краіны. Таксама існуе меркаванне, што ЕС плануе супрацоўнічаць з кампаніямі TSMC і Samsung.
Два дзесяцігоддзі таму Еўропа была лідарам у тэхналогіях, дзякуючы індустрыі бытавой электронікі і мабільным тэлефонам першага пакалення ад Nokia, Ericsson і Siemens. Але паступова іх папулярнасць зменшылася, і вытворцы пачалі інвеставаць у Азію і прадаваць больш чыпаў у гэтым рэгіёне.
У 2012 годзе еўрапейская індустрыя чыпаў вырабіла 70% сваіх кампанентаў у ЕС, а летась гэта лічба знізілася да 54%. Сярод 10 вядучых вытворцаў чыпаў толькі адна кампанія NXP з’яўляецца еўрапейскай. Аднак і яна пад пагрозай знікнення, бо галандскую кампанію плануе выкупіць амерыканскі канкурэнт Qualcomm.
Пабудова буйнога сучаснага завода па вытворчасці чыпаў будзе каштаваць ЕС вялізных грошай. Да таго ж, невядома, ці акупяцца гэтыя выдаткі, бо 20% усіх чыпаў вырабляе Тайвань, 15% — Паўднёвая Карэя, 7% — Сінгапур. І вядучыя кампаніі збіраюцца толькі нарошчваць сваю вытворчасць.
Больш за тое, у ЕС няма моцнага рынку і буйных спажыўцоў камп’ютарных чыпаў. Таму, на думку экспертаў, размяшчэнне буйнога завода у Еўропе можа стаць стратэгічнай памылкай.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары