«Сітуацыя напружаная, сур'ёзная»: Мінздароўя просіць на майскія святы выконваць масачны рэжым і фізічнае дыстанцыяванне
«Сітуацыя па каранавіруснай інфекцыі сур'ёзная, напружаная, але кантраляваная, таму я рэкамендую нашым грамадзянам напярэдадні вялікіх святаў, святочных выходных у маі прыслухацца да рэкамендацый Мінздароўя», — сказаў у пятніцу, выступаючы перад журналістамі намеснік міністра — галоўны дзяржаўны санітарны доктар Аляксандр Тарасенка.
Яго словы цытуе тэлеграм-канал ведмамства.
Ён параіў абмежаваць, наколькі гэта магчыма, наведванне месцаў масавага збору людзей, выконваць дыстанцыю, выкарыстоўваць сродкі індывідуальнай абароны ў выглядзе медыцынскіх масак або павязак, рэспіратараў, а таксама ўжываць сродкі дэзынфекцыі, у тым ліку пры вільготных уборках у дамах.
«Але самае галоўнае — каб грамадзяне векам за 60 гадоў, а таксама тыя, што маюць хранічныя захворванні, па меры магчымасці абмежавалі сваё знаходжанне ў месцах масавага збору насельніцтва», — дадаў галоўны дзяржаўны санітарны доктар.
Гэтыя рэкамендацыі таксама тычацца і тых, хто перахварэў і быў вакцынаваны.
Аляксандр Тарасенка адзначыў, што ў мінулым годзе рэлігійныя арганізацыя накіравалі рэкамендацыі па прафілактыцы каранавіруснай інфекцыі, а ў гэтым годзе ў напярэдадні парваслаўнага Вялікадня пра іх нагадалі.
У прыватнасці, рэкамендуецца па магчымасці абмежаваць колькасць наведвальнікаў рэлігійных арганізацый (не больш за 50% ад запаўняльнасці) або арганізаваць аўдыё-, відэатрансляцыі набажэнстваў. Наведвальнікам варта расказаць аб захаванні бяспечнай сацыяльнай дыстанцыі не менш за 1-1,5 м і аб выкарыстанні масак.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары