Нікалас Мадура заявіў аб тым, што гатовы сустрэцца з прадстаўнікамі апазіцыйных колаў, у тым ліку з іх лідарам Хуанам Гуайда, піша ТАСС.
«Цяпер Гуайда хоча сесці са мной, каб пагаварыць. Я згодны. З дапамогай Еўрапейскага саюза, урада Нарвегіі і Міжнароднай кантактнай групы, я гатовы сустрэцца з усёй апазіцыяй, калі яны хочуць і дзе яны хочуць», — заявіў Мадура, выступ якога трансляваўся па дзяржаўным тэлебачанні.
На думку Мадуры, Вашынгтон даў указанне лідару апазіцыі пачаць перамовы з ім.
Напярэдадні Гуайда прапанаваў пачаць перамовы паміж палітычнымі сіламі краіны пры ўдзеле міжнароднай супольнасці, каб знайсці выхад з крызіснай сітуацыі.
У 2019 годзе Гуайда паставіў пад пытанне легітымнасць Мадуры пасля спрэчных вынікаў прэзідэнцкіх выбараў і абвясціў, што, як спікер парламента, можа выконваць абавязкі кіраўніка дзяржавы да новых выбараў. Яго прызналі ЗША, краіны Групы Лімы (за выключэннем Мексікі), Арганізацыя амерыканскіх дзяржаў і большасць чальцоў Еўрасаюза. Мадура назваў тое, што адбылося, спробай перавароту і з пасады не сышоў.
Венесуэла перажывае сацыяльна-эканамічны крызіс, які суправаджаецца гіперінфляцыяй, дэвальвацыяй нацыянальнай валюты і дэфіцытам тавараў першай неабходнасці. Паводле ААН, краіну пакінулі каля 4,5 млн чалавек. У лютым ЦБ Венесуэлы паведаміў, што інфляцыя ў 2020 годзе ў краіне склала 2959,8%, цэны выраслі на 2840%.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары