Аляксандр Лукашэнка праводзіць пасяджэнне Рады бяспекі, на якім абмяркоўваецца павышэнне ролі гэтага калегіяльнага органа ў жыцці дзяржавы, перадае БелТА.
Пасяджэнне Рады бяспекі праводзіцца, каб працягнуць размову аб павышэнні ролі гэтага калегіяльнага органа ў жыцці дзяржавы. «У тым ліку ў пытаннях абароны незалежнасці, тэрытарыяльнай цэласнасці, суверэнітэту і канстытуцыйнага ладу Беларусі, падтрымання грамадзянскага міру і згоды, процідзеяння экстрэмізму і тэрарызму», — сказаў Аляксандр Лукашэнка.
Роля і паўнамоцтвы Рады бяспекі павінны быць сувымерныя з рызыкамі і пагрозамі цяперашняга часу, падкрэсліў Лукашэнка. «Тым, хто сёння рэфлексуе ў сетках і месенджарах на новы дэкрэт і не валодае пытаннем, патлумачу. Рада бяспекі — гэта не адны сілавікі», — адзначыў Лукашэнка. Ён звярнуў увагу, што сярод пастаянных членаў Рады бяспекі палова службовых асоб — цывільныя людзі: кіраўнікі ўрада, абедзвюх палат парламента і Адміністрацыі прэзідэнта.
Лукашэнка таксама нагадаў, што дадзены Канстытуцыйны орган забяспечвае рэалізацыю паўнамоцтваў кіраўніка дзяржавы ў сферы забеспячэння нацыянальнай бяспекі, у тым ліку як галоўнакамандуючага ўзброенымі сіламі. «Натуральна, што ў яго складзе ёсць і заўсёды будуць кіраўнікі сілавых структур», — адзначыў ён.
«Найважнейшай задачай Рады бяспекі быў і застаецца разгляд пытанняў унутранай і знешняй палітыкі ў кантэксце нацыянальнай бяспекі», — канстатаваў Лукашэнка. Ён таксама звярнуў увагу, што дзейнасць усіх дзяржаўных органаў у пераадоленні сучасных выклікаў і пагроз павінна быць не толькі эфектыўнай, але і максімальна скаардынаванай.
«Улічваючы агрэсіўныя спробы ператварыць Беларусь, па тэрміналогіі ЗША, у «дзяржаву, якая не адбылася», мы павінны замацаваць за Радай бяспекі новыя канкрэтныя, жыццёва важныя функцыі.
Такое пашырэнне паўнамоцтваў будзе спрыяць забеспячэнню стабільнай і бяспечнай працы ўсёй дзяржавы і кожнага чалавека, — сказаў Аляксандр Лукашэнка. — Усё гэта пытанні абароны суверэнітэту і канстытуцыйнага ладу, аб якіх гаворыцца ў падпісаным мной 9 мая дэкрэце».
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў8
Каментары