Кампанія Facebook апублікавала даклад, дзе сцвярджаецца, што Расія часцей за ўсё мае дачыненне да аперацый па дэзынфармацыі.
З 2017 года сацсетка выявіла на сваёй платформе дэзынфармацыйныя кампаніі больш чым у 50 краінах. Агулам у дакладзе пералічваецца 150 аперацый па дэзынфармацыі, якія кампаніі ўдалося спыніць, піша The Washington Post.
Facebook падкрэслівае, што за апошнія гады такія аперацыі сталі больш вытанчанымі і дарагімі, хоць аўдыторыя для іх скарацілася. Адрозніць дэзынфармацыю ад сапраўднай палітычнай дзейнасці з кожным годам становіцца ўсё больш складана.
Часцей за ўсё кампаніі па дэзынфармацыі распачынаюць фірмы, якія займаюцца чорным піярам. Таксама ў падобных аперацыях могуць удзельнічаць палітыкі, маргінальныя групы і нават урады.
У 2017 годзе Facebook выявіў маштабную аперацыю, падчас якой расійскае Агенцтва інтэрнэт-даследаванняў падвергла 126 мільёнаў карыстальнікаў палітычнай дэзынфармацыі перад выбарамі 2016 года. Пасля гэтага інцыдэнту кампанія шмат інвестуе ў службу кантролю: яна наняла больш за 10 тысяч мадэратараў кантэнту і экспертаў у гэтай галіне, а таксама стварыла алгарытмы для пошуку непажаданай інфармацыі.
Вядучымі краінамі па дэзынфармацыі ў сацсетцы сталі Расія, Іран, М’янма, ЗША і Украіна.
Ахвярамі дэзынфармацыі часцей за ўсё становяцца ЗША, Украіна, Вялікабрытанія, Лівія і Судан.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў9
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары