З-за шквалу загінула жанчына, на яе ўпала дрэва — у МНС падвялі вынікі суботняй стыхіі
Трагічнае здарэнне ўчора адбылося ў вёсцы Паўлаўшчына, што ў Дзяржынскім раёне.
Як паведамляе МНС, на 50-гадовую жанчыну ўпала дрэва.
Усяго зафіксавалі 29 выпадкаў падзення дрэў: у Гомельскай (6 выпадкаў) і Мінскай (23 выпадкі) абласцях.
Парывы ветру пры навальніцы дасягалі 20 м/с. У Гомельскай і Мінскай абласцях вецер пашкодзіў дахі 18 жылых дамоў, 1 вытворчага будынка, 2 аб'екты сацкультбыту і 16 сельгасзабудоў.
У вёсцы Гарадзішча Мінскага раёна размыла ўчастак дарогі шырынёй 5 м і даўжынёй 20 м у месцы скрыжавання з ракой Менка.
У Мінску быў парушаны рух 32 тралейбусных, 37 аўтобусных і 5 трамвайных маршрутаў. Работнікамі МНС дапамаглі адбуксіраваць 20 легкавікоў, 5 маршрутак. Ратавальнікі эвакуявалі з легкавога і пасажырскага транспарту 91 чалавека, у тым ліку 19 дзяцей.
Паводле «Белэнерга», на працягу сутак на тэрыторыі краіны было парушана электразабеспячэнне 461 населенага пункта. Адключэнні аператыўна ліквідуюць аварыйныя брыгады. Па стане на 6-ю гадзіну раніцы сённяшняга дня застаюцца без электрычнасці 50 населеных пунктаў у Віцебскай, Гомельскай, Гродзенскай і Мінскай абласцях.
Каментары