МУС Літвы: У нас ёсць доказы датычнасці беларускіх пагранічнікаў у сітуацыі з мігрантамі
У Літве сцвярджаюць, што за цяперашнім прытокам мігрантаў у краіны Балтыі стаяць беларускія чыноўнікі. Пра гэта распавяла міністр унутраных спраў Літвы Агне Білатайтэ ў інтэрв'ю Delfi.
Яна сцвярджае, што гэта нібыта «добра арганізаваны» план Мінска, а імігранты плацяць да 15 тысяч даляраў за перавозкі праз мяжу.
«У нас сапраўды ёсць доказы датычнасці беларускіх памежнікаў да гэтага працэсу, гэта факт. Гэта арганізаваная дзейнасць, пэўная схема, добра арганізаваная, спланаваная. Гэта вялікія грошы», — распавяла міністр.
Паведамляецца, што сёлета больш за 550 чалавек спрабавалі незаконна ўехаць у Літву з суседняй Беларусі — гэта ў сем разоў больш, чым за ўвесь 2020 год, і больш чым у 12 разоў больш, чым за 2019 год.
Каментары