Зяленскі ўвёў санкцыі супраць найбагацейшай жанчыны Расіі — уласніцы Wildberries. У тым ліку супраць падраздзяленняў крамы ў Беларусі
Прэзідэнт Украіны Уладзімір Зяленскі падпісаў указ аб увядзенні эканамічных санкцый супраць Таццяны Бакальчук — заснавальніцы папулярнай інтэрнэт-крамы Wildberries.
Апроч расійскага Wildberries і падраздзяленняў ва Украіне, пад санкцыі таксама трапілі падраздзяленні ў Беларусі, Польшчы, Арменіі, Казахстане.
Усе актывы кампаніі блакуюцца, забараняецца транзіт рэсурсаў, пералёты і перавозкі праз тэрыторыю Украіны. Уводзіцца забарона на перадачу ім тэхналогій і правоў інтэлектуальнай уласнасці, а таксама забарона на вывад капіталу за тэрыторыю Украіны.
Бакальчук стала найбагацейшай жанчынай Расіі сёлета ў лютым. З пачатку года яна зарабіла 443 мільёны даляраў, яе актывы дасягнулі 9,53 мільярда.
У Мінску Wildberries мае каля 100 пунктаў.
Цяпер чытаюць
Бліжэйшым часам будуць вызвалены больш за 150 палітзняволеных17
Каментары