Яшчэ двух жыхароў Жлобіна асудзілі да «хатняй хіміі» за падзеі 9-10 жніўня
29 ліпеня суд Жлобінскага раёна разгледзеў крымінальную справу ў дачыненні да Іллі Груздзёва і Сяргея Якубенкі, якіх вінавацілі ў актыўным удзеле ў групавых дзеяннях, што груба парушаюць грамадскі парадак у ноч з 9 на 10 жніўня ў Жлобіне (ч. 1 арт. 342 КК), паведамляюць праваабаронцы.
Справу разглядаў суддзя Яўген Ерафееў. Бок дзяржабвінавачвання падтрымлівала Ціпашкіна.
Абвінавачаныя прызналі віну поўнасцю. Пры гэтым Ілля Груздзёў і Сяргей Якубенка паміж сабой знаёмыя не былі, камяні не кідалі, у счэпцы не стаялі.
У судзе выступілі сведкі, некаторыя сведкі ў суд не з’явіліся, пасля былі вывучаныя пісьмовыя матэрыялы справы.
У выніку суд пакараў абвінавачаных абмежаваннем волі без накіравання ва ўстанову адкрытага тыпу: Сяргея Якубенку тэрмінам на 3 гады, а Іллю Груздзева — на 2 гады і 6 месяцаў.
Былога супрацоўніка контрразведкі КДБ арыштавалі за здраду дзяржаве9
Каментары