Урад Літвы ў сераду прыняў рашэнне па абмежаваннях для жыхароў, якія не прышчапіліся ад каранавіруса: для жыхароў гэтай групы будуць адкрыты толькі невялікія крамы і аптэкі, спіс даступных паслуг значна скароціцца, паведамляе Delfi.lt.
Аднак урад адмовіўся ад планаў забараніць такім людзям карыстацца грамадскім транспартам і неабходнымі медыцынскімі паслугамі.
Гэтыя прапановы былі выкраслены з абноўленага праекта пастановы, аднак медыцынскія паслугі будуць аказвацца па патрабаваннях, устаноўленых міністрам аховы здароўя.
Абмежаванні ўступяць у сілу праз месяц з 13 верасня.
Людзям без пашпарта магчымасцяў і адмоўнага тэсту будуць абмежаваныя большасць кантактных паслуг.
Для непрышчэпленых зачыняцца буйныя гандлёвыя цэнтры, салоны прыгажосці, прадпрыемствы грамадскага харчавання, месцы забаў, розныя мерапрыемствы.
Абмежаванні не будуць распаўсюджвацца на тых, хто прышчапіўся або перахварэў, калі гэта пацвярджаецца тэстамі, тым, у каго адмоўны тэст на каранавірус, выкананы за 48 гадзін, дзецям да 16 гадоў.
З прычыны прыняцця гэтых паправак у Вільні ўчора прайшлі маштабныя акцыі пратэсту, якія скончыліся сутычкамі з паліцыяй.
-
Дэпутата Еўрапарламента, які расследаваў злоўжыванні Pegasus, самога ўзламалі гэтай шпіёнскай праграмай
-
Расіянку, якая зрабіла ў бары «кальян на кулічы», усё ж не будуць адпраўляць у калонію
-
Ватыкан адлучыў ад царквы Брацтва святога Пія X. Раскольнікі маюць капліцу ў Мінску, дзе ўсё па-руску — што цяпер чакае гэтых вернікаў
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей14
Каментары