Індыя займае другое месца ў свеце па колькасці выпадкаў дыябету. Гэтую краіну, у якой жывуць прыкладна 77 мільёнаў пацыентаў з дыябетам, апярэджвае ў гэтым паказчыку толькі Кітай — там зарэгістравана 116 мільёнаў дыябетыкаў. І медыкі лічаць, што ёсць мільёны людзей, што маюць гэтую хваробу, але ім не быў пастаўлены дыягназ.
Цяпер медыкі баяцца, што пасля заканчэння пандэміі Індыю чакае ўсплёск новых выпадкаў дыябету. Напрыклад, мумбайскі медык Рахул Баксі сцвярджае, што 8-10% яго пацыентаў, якія не мелі дыябету да таго, як захварэлі на кавід, пасля выздараўлення маюць высокі ўзровень цукру ў крыві, піша ВВС.
У шпіталях індыйскіх гарадоў Дэлі і Чэнай было праведзенае даследаванне, у якім прынялі ўдзел 555 пацыентаў з дыябетам. Згодна з ім, тыя пацыенты, у якіх быў дыягнаставаны дыябет пасля заражэння кавідам, мелі больш высокі ўзровень цукру ў крыві (важная характарыстыка дыябету), чым тыя, хто меў хваробу раней.
Хутчэй за ўсё, частка пацыентаў, што атрымалі посткавідны дыябет, мелі хваробу раней, але ім проста не быў выстаўлены дыягназ. Іншыя з іх, верагодна, атрымалі хваробу пасля лячэння стэроідамі. Пасля выпіскі са шпіталя ў некаторых пацыентаў узровень цукру ў крыві прыйшоў у норму. Была і трэцяя група пацыентаў, якія атрымалі посткавідны дыябет праз тое, што вірус пашкодзіў клеткі іх падстраўнікавай залозы. Пакуль не зразумела, ці застанецца ў пацыентаў посткавідны дыябет назаўжды.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары