Бежанец з Ірака, які ў сярэдзіне ліпеня праз Беларусь прабраўся ў Латвію, заплаціў кантрабандыстам 15 000 даляраў. Самы вялікі наплыў уцекачоў у Латвіі назіраўся ў пачатку жніўня, калі Літва ўзмацніла працу на сваёй мяжы. Але першая група мігрантаў прабралася ў Латвію ўжо ў канцы ліпеня, піша Delfi.lv.
У Латвію ўдалося трапіць амаль 400 мігрантам, амаль усе — грамадзяне Ірака. Палова бежанцаў — мужчыны, каля 21% — жанчыны, 29% — дзеці. Фактычна ўсе папрасілі прытулак у Латвіі. Разгляд прашэнняў зойме пару месяцаў, адзначае тэлебачанне.
Адзін з мігрантаў — грамадзянін Ірака па імені Амар. З ім журналісты пагутарылі ў цэнтры для перасяленцаў у Муценіекі. Амар перасёк мяжу ў сярэдзіне ліпеня.
Амар распавёў, што збег з Ірака з меркаванняў бяспекі. Ён не захацеў гаварыць на камеру з адкрытым тварам, паколькі ў якасці перакладчыка дапамагаў узброеным сілам розных краін у барацьбе з Ісламскай дзяржавай.
«Я заплаціў 15 000 даляраў», — адказаў Амар на пытанне, у якую суму яму абышлася дарога да Латвіі.
Амар знайшоў кантрабандыстаў у Іраку, у аэрапорце перадаў ім грошы. Спачатку Амар вылецеў у Маскву, затым праз Санкт-Пецярбург трапіў у Беларусь, адкуль групай у 10 чалавек — ужо ў Латвію.
«Усё арганізаваў кантрабандыст. Мне ні пра што не трэба было турбавацца. Мы ехалі на машынах, часам ішлі пешшу. Мы, напрыклад, ішлі па лесе сем гадзін. Гэта быў доўгі шлях. ( … ) Калі я сустрэўся з латвійскімі памежнікамі, яны былі ўпэўненыя, што я прыехаў з Беларусі», — распавёў Амар.
Цяпер чытаюць
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары