Пра забарону ўвозу беларускага мяса ў Расію і прыпыненне эксплуатацыі беларускага ўчастка нафтаправода «Унеча—Вентспілс» стала вядома адначасова.
Пра забарону ўвозу беларускага мяса ў Расію і прыпыненне эксплуатацыі беларускага ўчастка нафтаправода «Унеча—Вентспілс» стала вядома адначасова.
Эксплуатацыя беларускага ўчастку нафтапрадуктаправода «Унеча—Вентспілс», што належыць прадпрыемству «Захадтранснафтапрадукт», прыпыненая з 17 ліпеня.
Аб гэтым паведаміў сёння ў Менску прадстаўнік Міністэрства па надзвычайных сітуацыях Віктар Бароўскі. Паводле ягоных словаў, пасля апошняй дыягностыкі прадуктаправода, праведзенай нямецкай фірмай, было выяўлена і запланавана да першачарговае направы ў 2008‑2009 гадах больш за 1082 дэфекты.
«Прадпрыемству «Захадтранснафтапрадукт» намі быў выдадзены загад на ўхіленне гэтых дэфектаў да 17 ліпеня. Але было ліквідавана ўсяго толькі 254 дэфекты, або 23,5%.
З 17 ліпеня мы прыпынілі эксплуатацыю гэтага нафтапрадуктаправода. Па ім зараз не ідзе дызельнае паліва», — паведаміў Бароўскі.
Ён адзначыў, што цяпер уладальнікі трубаправода распачалі маштабныя працы і карэкціроўку ўсіх сваіх планаў, каб тэрмінова ліквідаваць найбольш небяспечныя дэфекты.
Як паведамлялася, першая выцечка дызельнага паліва з нафтаправода, што належыць расійскаму прадпрыемству «Захадтранснафтапрадукт», была зафіксаваная 23 сакавіка 2007 года. Частка дызельнага паліва патрапіла ў прыток Заходняй Дзвіны — раку Ула, якая забруджаная на працягу 15 км.
Другая аварыя адбылася 14 лютага 2008 года на 422‑м км магістральнага трубаправода «Унеча—Роўна» — адбылася выцечка каля 70 куб. м дызпаліва на плошчы 100 кв.м. «Захадтранснафтапрадукт» выплаціла 2 млрд рублёў у якасці кампенсацыі за шкоду, аднак гэтая сума не задаволіла беларускі бок.
Пасля дзвюх аварый Мінпрыроды РБ выступіла з ініцыятывай прыпыніць эксплуатацыю нафтаправода «Захадтранснафтапрадукт».
У апошні час спіс узаемных прэтэнзій уладаў Беларусі і Расеі няўхільна расце: уведзеная забарона на ўвоз беларускай малочнай прадукцыі ў РФ, практычна прыпыненыя пастаўкі беларускай сельгастэхнікі, забаронены ўвоз у Беларусь расійскага мяса, а ў Расею беларускіх медыкаментаў і г.д.. У пачатку ліпеня кіраўнік «Газпрама» Аляксей Мілер заявіў, што доўг Беларусі за газ складае 244 мільёна даляраў, і калі Менск не расплоціцца ў ліпені, то «Газпрам» альбо звернецца ў суд, альбо скароціць аб’ём паставак.
Каментары