У 2021 годзе нізкі ўраджай абваліў выпуск у сельскай гаспадарцы. Даўгі флагманаў аграрнага сектара пабілі гістарычны максімум. Па выніках 9 месяцаў 2021-га дабаўленая вартасць у сельскай, лясной і рыбнай гаспадарцы ўпала на 6%, пішуць banki24.by.
Гэта другі горшы вынік сярод пазіцый, якія аператыўна публікуюць статыстычныя органы (пасля будаўнічага сектара). Зніжэнне дабаўленай вартасці прывяло да тармажэння росту ВУП Беларусі на 0,5 працэнтных пункта, гэта значыць, што ў адсутнасць аграрнага спаду эканамічны рост за 9 месяцаў склаў бы не 2,7%, а каля 3,2%.
Вытворчасць сельгаспрадукцыі за 9 месяцаў скарацілася да 2020 года на 6,6%. Пры гэтым спад асобна за верасень склаў 13,7%. Памяншэнне выпуску ў сельскай гаспадарцы звязана з падзеннем валавога збору раслінных культур.
На 1 кастрычніка збор збожжавых і зернебабовых без кукурузы ў тонах знізіўся да такой жа даты ў 2020-м на 19,7%, бульбы — на 28,4%, гародніны адкрытага грунту — на 18,2%, цукровых буракоў — на 18%.
За 8 месяцаў 2021-га сярэдні заробак у раслінаводстве вырас да 2020-га ўсяго на 2,8%, у жывёлагадоўлі — на 3,7%.
Параўнайце: рост рэальнай зарплаты ў цэлым па эканоміцы склаў 5,2%. Вядома, што аграрыі займаюць адно з апошніх месцаў у краіне па памеры гадзіннага заробку і адначасова працуюць больш за астатніх.
То-бок пры нізкім росце сярэдняй зарплаты ў галіны адрыў ад іншых відаў дзейнасці ў эканоміцы не скарачаецца. За 8 месяцаў па аграсектары было звольнена 63 тыс. работнікаў, а прынята на працу — 59 тыс. Такім чынам, чысты адток кадраў з флагманаў галіны склаў каля 4 тыс. чалавек.
Сярэдняя рэнтабельнасць продажаў па флагманах сельскай гаспадаркі склала за 8 месяцаў каля 6,5%. Аднак медыянная рэнтабельнасць у галіны істотна ніжэйшая. Гэта вынікае з размеркавання флагманаў па ўзроўні рэнтабельнасці: 26,4% кампаній неслі страты з продажаў (нерэнтабельныя), а 34,5% мелі рэнтабельнасць у межах 0-5%.
Сярод флагманаў галіны нізкая ўдзельная вага высокадаходных бізнэсаў. Усяго 3,9% кампаній у 2021 годзе паказалі рэнтабельнасць продажаў не менш за 20% і толькі 0,6% — не ніжэй за 30%.
На 1 верасня сумарныя даўгі флагманаў сельскай гаспадаркі склалі 16,3 млрд BYN, і гэта максімальная сума за ўсю гісторыю замераў па бягучай методыцы. Папярэдні рэкорд пратрымаўся ўсяго 2 месяцы. З пачатку 2021 года памер сукупнай запазычанасці ў сельскай гаспадарцы вырас на 9,3%.
«Беларусь не з’яўляецца аграрнай краінай. І дзякуй Богу». Эканаміст параўнаў рост сельскай гаспадаркі і IT
«Больш працаваць няма каму, я тут адзін». Выпускнік аграрнага ўніверсітэта расказвае пра сваё размеркаванне
Перспектыўная тэхналогія: гной на фермах будуць апрацоўваць плазменным зарадам
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны3
Каментары