Грамадства

Што вядома на вечар 8 лістапада пра сітуацыю на мяжы

Па ацэнках беларускіх памежнікаў на вечар, колькасць мігрантаў на беларуска-польскай мяжы перавышае 2000 чалавек. Польскі бок ацэньвае колькасць мігрантаў на мяжы ў 3000-4000 чалавек. Яны знаходзяцца на нейтральнай тэрыторыі паміж Беларуссю і Польшчай. Спачатку яны рабілі спробу прарвацца на тэрыторыю Польшчы, а потым разбілі палатачны лагер.

12 тысяч польскіх вайскоўцаў на мяжы з Беларуссю прыведзены ў баявую гатоўнасць. Літва накіравала дадатковыя сілы да беларускай і польскай межаў.

У Дзяржпагранкамітэце Беларусі заявілі, што гэта бежанцы, якія хочуць атрымаць прытулак у ЕC, і Мінск не будзе перашкаджаць таму, што яны пакінуць краіну. У праўладных тэлеграм-каналах, у афіцыйных медыя ў Беларусі разгортваецца актыўная інфармацыйная падтрымка падзей, звязаных з міграцыйнымі праблемамі.

У Польшчы, у сваю чаргу, абвінавацілі ўлады Беларусі ў правакацыі, заявіўшы, што вялікія групы мігрантаў знаходзяцца пад поўным кантролем беларускіх спецслужбаў і арміі.

Польша закрыла рух праз памежны пераход у Кузніцы з 7:00 ад заўтра.

На мяжы дзейнічае надзвычайнае становішча, і праца СМІ там немагчымая. Журналісты атрымліваюць матэрыялы пераважна з сацыяльных сетак.

Прэзідэнт Польшчы Анджэй Дуда пагаварыў са Святланай Ціханоўскай. Таксама Дуда сёння гутарыў з лідарамі іншых краін, якія выказвалі яму падтрымку.

Краіны з усяго свету выказваюць салідарнасць з Польшчай і асуджаюць дзеянні беларускіх уладаў. У прыватнасці, з Польшчай салідарызаваліся кіраўнік Еўракамісіі Урсула фон дэр Ляен, старшыня Еўрапейскай Рады Шарль Мішэль і прадстаўнік Дзярждэпартамента ЗША Нед Прайс.

Прэс-сакратар Крамля Пяскоў сказаў: «Мы не сумняваемся ў тым, што міграцыйныя службы Беларусі прымаюць усе неабходныя меры для таго, каб сітуацыю ўтрымліваць у законным рэчышчы».

У ЕС загаварылі аб магчымым увядзенні санкцый супраць авіякампаній іншых краін за перавозкі мігрантаў. ЕС папросіць дапамогу ААН у рэпатрыяцыі мігрантаў, якія прыбываюць праз Беларусь.

Каментары

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць