Вакцына «Спутнік V» беларускай вытворчасці паступіць у абарот да чэрвеня 2022 года
Пра гэта паведаміў вузкаму колу журналістаў прэм'ер Раман Галоўчанка падчас наведвання РУП «Белмедпрэпараты». На прадпрыемстве прэзентавалі інвестыцыйны праект арганізацыі поўнага цыкла фармацэўтычнай вытворчасці вакцыны «Спутнік V» на тэрыторыі Беларусі.
«Праект рэалізуецца хуткімі тэмпамі. Цяпер знаходзімся на прамежкавай стадыі. Завяршаецца мантаж біятэхналагічнага абсталявання ад вядучага сусветнага вытворцы. У снежні тут будзе закладзена першая валідацыйная серыя. Гэта 10% ад прамысловай серыі, якая паступіць на захоўванне і будзе праверана на стабільнасць.
Калі ўсё будзе добра, то далей пойдуць працэдуры рэгістрацыі ў Беларусі і Расіі. Зыходзячы з графіка, да пачатку лета наступнага года вакцына будзе гатовая да паступлення ў грамадзянскі абарот у Беларусі і на экспартны рынак. Агульны аб'ём яе вытворчасці — больш за 10 млн доз у год, з якіх 4 млн разлічана для Беларусі».
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні19
Каментары