Вашынгтон заклікае Маскву выкарыстоўваць свой уплыў на Мінск для ўрэгулявання сітуацыі з мігрантамі. Пра гэта заявіла ў панядзелак на рэгулярным брыфінгу прэс-сакратар Белага дома Джэн Псакі, піша ТАСС.
«Мы працягваем заклікаць Расію і прапануем ім напрамую выкарыстоўваць свой уплыў для таго, каб аказаць уздзеянне на Аляксандра Лукашэнку, каб ён спыніў эксплуатацыю і прымус людзей», — заявіла яна. «Ніякіх сумневаў няма ў тым, што ў іх ёсць адпаведныя адносіны і магчымасць паўплываць», — лічыць прэс-сакратар Белага дома.
Псакі было зададзена пытанне аб тым, ці не разглядае амерыканскі прэзідэнт Джо Байдэн магчымасць правесці тэлефонную размову з Уладзімірам Пуціным наконт сітуацыі з Беларуссю. Прадстаўнік Белага дома заявіла, што ў яе няма інфармацыі на гэтую тэму. «Мне няма чаго анансаваць на тэму званка Пуціну», - сказала яна. «Мы няма чаго паведаміць наконт кантактаў», - дадала Псакі.
Яна адзначыла, што ЗША захоўваюць цесны кантакт са сваімі саюзнікамі і распрацоўваюць дадатковыя санкцыі супраць Беларусі.
Лукашэнка і Меркель пагаварылі па тэлефоне
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі4
Каментары