20 лістапада праз парывы ветру (да 23 м/с) пацярпелі 224 населеныя пункты ў 23 раёнах краіны: 1 — у Брэсцкай вобласці, 4 — у Віцебскай і Магілёўскай абласцях, 7 — у Гомельскай і Мінскай, паведамляе МНС.
Пашкоджаныя дахі двух сельскагаспадарчых будынкаў у Горацкім раёне Магілёўскай вобласці.
Зафіксаваныя 36 выпадкаў падзенняў дрэў: 2 — у Брэсцкай, 7 — у Віцебскай, 3 — у Мінскай, 20 — у Магілёўскай абласцях і 4 — у горадзе Мінску, у выніку якіх пашкоджаны 1 легкавы аўтамабіль. Пацярпелых няма.
На працягу сутак перыядычна парушалася электразабеспячэнне 499 населеных пунктаў, 76 сельскагаспадарчых будынкаў, 21 кацельні і 1736 трансфарматарных падстанцый. Адключэнні аператыўна ліквідуюцца аварыйнымі брыгадамі.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары