Жонка Макрона будзе судзіцца з-за канспіралагічнай версіі. Яе назвалі трансгендарам
Першая лэдзі Францыі Брыжыт Макрон рыхтуе судовы іск з-за чутак пра тое, што яна нібыта трансгендарная жанчына, паведаміў яе адвакат Жан Энашы. Супраць каго яна збіраецца судзіцца, не ўдакладняецца.
Як паведамляе BBC News, у інтэрнэце шырока разышлася тэорыя змовы аб тым, што Брыжыт Макрон нарадзілася мужчынам пад імем Жан-Мішэль Транье. Першыя чуткі пра гэта з'явіліся ў верасні на ультраправым сайце ў артыкуле, напісаным нейкай Наташай Рэй.
Затым прыхільнікі змоў, праціўнікі вакцынацыі і ўльтраправыя актывісты абмеркавалі гэтую тэорыю падчас ютуб-трансляцыі, пасля чаго пра яе сталі пісаць у сацыяльных сетках. У асноўным паведамленні пра гэта з'явіліся ў акаўнтах праціўнікаў прэзідэнта Францыі, у тым ліку сярод прыхільнікаў канспіралагічнага руху QAnon.
68-гадовая Брыжыт Макрон замужам за Эманюэлем Макронам з 2007 года. У яе трое дарослых дзяцей ад ранейшага шлюбу.
Каментары