2021 год быў складаным і напоўненым дрэннымі навінамі. І каб зрабіць яго сыход больш цікавым і чароўным, мы прыдумалі для вас заданні, якія дададуць у жыццё дозу святочнага настрою і рэсурсу.
З 25 снежня па 7 студзеня мы будзем публікаваць па адным заданні: іх можна будзе выконваць у той жа дзень ці адвесці пад іх зручны вам час.
Заданне на сёння. Пабудзьце Дзядамі Марозамі для тых, хто пазбаўлены навагодняй атмасферы. Дашліце ліст ці калядную паштоўку аднаму з беларусаў-палітвязняў.
Іх поўны спіс з адрасамі можна знайсці на сайце «Вясны» ці праекта «Палітзэк».
Можна нават не хадзіць на пошту і даслаць ліст праз адзін з анлайн-сервісаў: тут ці тут.
Акрамя таго, вы можаце адправіць яшчэ не асуджаным вязням пасылку з навагоднімі «нішцякамі». Ці даслаць грашовы перавод, каб палітвязень сам мог закупіцца ў турэмнай краме: гэта можна зрабіць наўпрост праз інтэрнэт-банкінг (за выключэннем СІЗА-1). Больш падрабязныя інструкцыі — па спасылцы.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні9
Каментары