Рада Міжнароднай федэрацыі хакея (IIHF) адмовілася ад далейшага правядзення моладзевага чэмпіянату свету. Рашэнне аб адмене чэмпіянату прынятае дзеля бяспекі ўсіх яго ўдзельнікаў на фоне распаўсюджвання «амікрона».
Чэмпіянат пачаўся 26 снежня, ён праходзіў у Канадзе. Згодна з правіламі турніру ў гэтым годзе, калі ў камандзе выявілі заражэнне каранавірусам, ёй залічвалі тэхнічнае паражэнне і адпраўлялі на каранцін.
28 снежня з-за выпадкаў кавіду тэхнічную паразу атрымала зборная ЗША, якая павінна была згуляць супраць Швейцарыі. 29 снежня па аналагічных прычынах прысудзілі тэхнічнае паражэнне камандам Чэхіі (у матчы з Фінляндыяй) і Расіі (у матчы са Славакіяй).
Пасля гэтага рада IIHF сабралася на нараду наконт мэтазгоднасці далейшага правядзення чэмпіянату.
«Тое, што робіцца а чэмпіянаце цяпер, — гэта кашмар, сапраўдны кашмар», — заявіў РІА «Новости» ганаровы прэзідэнт IIHF Рэнэ Фазэль.
Моладзевы чэмпіянат свету праходзіць штогод з 1977 года. Да гэтага яго ні разу не адмянялі, у тым ліку ў перыяд пандэміі каранавіруса.
Каментары