Меркаванні

Лукашэнка абвясціў 2022-гі Годам гістарычнай памяці. За гісторыкаў ужо трывожна

Ва ўладнай трактоўцы гістарычная памяць — толькі тое, што загадаюць памятаць сілавікі і прыўладныя ідэолагі. Любая іншая памяць — варожая і падлягае пераследу.

Лукашэнка у апошнія хвіліны 2021-га абвясціў 2022 год годам гістарычнай памяці. І за гістарычную памяць ды ўвогуле гісторыю пасля гэтага робіцца трывожна. 

У мінулым «годзе народнага адзінства» ўлады што толькі не рабілі для таго, каб нішчыць нават думкі пра гэтае адзінства. Прытым рабілася так не выпадкова, а цалкам мэтанакіравана і дэманстратыўна. Няма сумневу, што ва ўяўленні прадстаўнікоў рэжыму народ, да адзінства якога трэба імкнуцца — толькі тая меншасць, якая гэты рэжым падтрымлівае. А хто для іх астатнія — дастаткова праглядзець палітызаваны кантэнт дзяржаўных СМІ, зайсці ў тэлеграм-каналы запісных прапагандыстаў і палітрукоў. Рыторыка, якая там прымяняецца, ілюзій не пакідае.

Наўрад ці інакш будзе — ды ўжо і ёсць — з гістарычнай памяццю. Яна ва ўладнай трактоўцы — толькі тое, што загадаюць нам памятаць прыўладныя ідэолагі і сілавікі. Любая іншая памяць — варожая і падлягае пераследу. 

У 2021 годзе пад будучы пераслед за гістарычнае дысідэнцтва закладалася заканадаўчая база. Нямала пасажаў пра абавязковы «правільны» патрыятызм у нядаўна абнародаваным праекце Канстытуцыі, тую ж лінію вядзе і зацверджаная зусім «пад ялінку» праграма патрыятычнага выхавання беларусаў. Ёсць зусім не тэарэтычная небяспека, што ў новым годзе прафесія гісторыка, спалучаная з асабістым сумленнем, стане ў Беларусі адной з найбольш небяспечных і рызыкоўных.

Таму за гісторыкаў і трывожна. Хоць шанцаў перамагчы на гэтым полі ў гістарычнай перспектыве ў рэжыму няма ніякіх. Але паламаць людзям жыцці магчымасцяў пакуль хапае.

Гл. таксама:

Улады зноў узяліся за нацыянальную ідэю. Абяцаюць сфармуляваць да 2023 года

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць