«Яны ідэйныя». Чарговы зліў: міліцэйскі начальнік загадвае знайсці кампрамат на жыхароў Новай Баравой
У сеціве з’явіліся перамовы, як сцвярджаецца, намесніка кіраўніка Мінскай абласной міліцыі Віталя Казлова з намеснікам начальніка міліцыі Мінскага раёна Сяргеем Удодавым. Вырашаюць, што рабіць з пратэстнай актыўнасцю жыхароў Новай Баравой. Голас, падобны да Удодава, кажа, што гэта ідэйныя і непраплачаныя людзі, — «вось у чым праблема». На гэта голас, падобны да Казлова, адказвае, што трэба праверыць, адкуль у іх грошы, і знайсці відэа, дзе яны ў непрыстойных позах, то-бок скампраметаваць жыхароў квартала.
Голас, падобны да голасу намесніка начальніка міліцыі Мінскага раёна, адчытваецца, што сілавікі спрабавалі кідаць каменьчыкі ў вокны жыхароў Новай Баравой, але хутка зразумелі, што гэта не мае ніякага эфекту. Больш за тое, у прыхільнікаў перамен няма ярка выражанага лідара. Аператыўнікі сядзелі ў мясцовым чаце, адсочвалі ўсе паведамленіі, і зразумелі, што заклікі сабрацца і праявіць актыўнасць паступаюць хаатычна.
На гэта голас, падобны да голасу намесніка кіраўніка міліцыі Мінскай вобласці, адказвае, што трэба скласці спіс з найбольш актыўных удзельнікаў пратэсту і праверыць, чые яны дзеці, адкуль яны такія «багацеі», ці законна яны зарабілі грошы. А таксама падключаць да праверак падатковую, Фонд сацыяльнай абароны насельніцтва, а яшчэ знайсці і паказаць прыватнае відэа — у непрыстойных позах. Гэта стары міліцэйскі метад, мы па сёння бачым, як падчас вобшукаў аператыўнікі стараюцца знайсці любы бруд на людзей.
Голас, падобны да голасу Удодава, кажа, што публіка ў квартале розная: ёсць і айцішнікі, ёсць і дзеці багатых жыхароў Салігорска (відаць, гаворка пра дзяцей шахцёраў), і дзяржаўных служачых.
«Адключыць інтэрнэт гэтай Новай Баравой!» — прапануе голас, падобны да голасу Казлова.
«Як мы ім адключым інтэрнэт?» — удакладняе другі голас.
«Правадны, б***. Аварыя».
«Ну дык у мяне бесправадны ў тэлефоне, — адказвае голас, падобны да голасу Удодава. — Я магу ў вёсцы ўсім раздаваць, усё працуе. Гэта ўжо ХХІ стагоддзе».
«Зразумела, што мазгі ім фарміруе «Нехта», — падсумоўвае голас, як сцвярджаецца, Віталя Казлова. — Пакуль шукаць на іх кампрамат. Як знялі тую дзеўку, якая сцала».
«Дык яны не дапускаюць такіх паводзінаў, — тлумачыць падначалены. — Яны ж не п’юць, нічога».
«Паслухай, на Новы год я ездзіў, нармальна яны там бухаюць, з віскаром выходзілі».
«Тады быў дзень нараджэння у кагосьці».
«Яны прыйдуць, а там будзе валейбол». Апублікаваны зліў, як МУС з выканкамамі зрывалі перадвыбарныя мітынгі апазіцыі
«Раз’***** вокны і дастаць яго паказальна». З'явіўся новы зліў пра затрыманне Ціханоўскага
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце5
Каментары