Мужчыну вінавацяць у «распальванні сацыяльнай варожасці і варажнечы па прыкмеце іншай сацыяльнай прыналежнасці, а таксама публічнай абразе прадстаўніка ўлады ў сувязі з выкананнем ім службовых абавязкаў». Яму пагражае да трох гадоў пазбаўлення волі.
Пракуратура Мінскай вобласці накіравала справу ў Мінскі абласны суд.
Паведамляецца, што ў верасні і кастрычніку мужчына пакідаў у сацсетцы «Аднакласнікі» каментарыі наконт супрацоўніка КДБ, які загінуў пры штурме кватэры айцішніка Андрэя Зельцэра ў Мінску.
«Гэтыя выказванні скажалі падзеі і мелі на мэце распаліць варожасць паміж асобнымі групамі насельніцтва па прафесійнай прыналежнасці, заклікалі да гвалтоўных дзеянняў у дачыненні да супрацоўнікаў Камітэта», — заяўляюць у Генпракуратуры.
Мужчына знаходзіцца пад вартай.
Першы прысуд па «справе Зельцэра» быў вынесены днямі. За каментарыі ў сацсетках маглёўцу Аляксандру Гаўрыленку прысудзілі два гады калоніі і штраф у 3200 рублёў.
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію3
Каментары