Парламент Малдовы ўвёў у краіне надзвычайнае становішча ў сувязі з сітуацыяй у энергетычным сектары. За такое рашэнне прагаласавала 58 дэпутатаў кіруючай партыі «Дзеянне і салідарнасць».
Дэпутаты блока камуністаў і сацыялістаў і фракцыі «Шор» адмовіліся падтрымліваць рашэнне аб увядзенні становішча, заявіўшы, што ва ўрада было дастаткова часу і інструментаў, каб справіцца з сітуацыяй, піша Noi.md.
Прадстаўляючы праект пастановы аб увядзенні надзвычайнага становішча, прэм'ер Наталля Гаўрыліца заявіла, што, дзякуючы рэжыму надзвычайнага становішча, урад зможа даць «Малдовагазу» адтэрміноўку па выплаце ПДВ у бюджэт і выплаціць авансам кампенсацыі за прыродны газ для насельніцтва.
Паводле слоў прэм'ер-міністра, гэтых мер будзе дастаткова, каб «Малдовагаз» у тэрміновым парадку заплаціў «Газпраму» за спажыванне ў студзені.
Кішынёву да 20 студзеня трэба было аплаціць $63 мільёны за газ, але ў яго ёсць толькі $38 млн. Таму ў выпадку неаплаты «Газпрам» прыгразіў спыніць пастаўкі.
Цяпер чытаюць
Арыштаваны 75‑гадовы Зміцер Санько — ветэран-выдавец1
Каментары