Parłamient Małdovy ŭvioŭ u krainie nadzvyčajnaje stanovišča ŭ suviazi ź situacyjaj u enierhietyčnym siektary. Za takoje rašeńnie prahałasavała 58 deputataŭ kirujučaj partyi «Dziejańnie i salidarnaść».
Deputaty błoka kamunistaŭ i sacyjalistaŭ i frakcyi «Šor» admovilisia padtrymlivać rašeńnie ab uviadzieńni stanovišča, zajaviŭšy, što va ŭrada było dastatkova času i instrumientaŭ, kab spravicca ź situacyjaj, piša Noi.md.
Pradstaŭlajučy prajekt pastanovy ab uviadzieńni nadzvyčajnaha stanovišča, premjer Natalla Haŭrylica zajaviła, što, dziakujučy režymu nadzvyčajnaha stanovišča, urad zmoža dać «Małdovahazu» adterminoŭku pa vypłacie PDV u biudžet i vypłacić avansam kampiensacyi za pryrodny haz dla nasielnictva.
Pavodle słoŭ premjer-ministra, hetych mier budzie dastatkova, kab «Małdovahaz» u terminovym paradku zapłaciŭ «Hazpramu» za spažyvańnie ŭ studzieni.
Kišyniovu da 20 studzienia treba było apłacić $63 miljony za haz, ale ŭ jaho jość tolki $38 młn. Tamu ŭ vypadku nieapłaty «Hazpram» pryhraziŭ spynić pastaŭki.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary