Герой мема пра памідоры са смятанай патрапіў быў у лякарню. Але ў яго ўжо ўсё добра
Анатоль Шалковіч, які з 11 лістапада па 10 студзеня адбываў 60 сутак на Акрэсціна і стаў вядомым на ўсю краіну за выказванне пра любоў да бел-чырвона-белых памідораў са смятанай, якое стала мемам, нядоўга пабыў дома. Падвяло здароўе, і 65-гадовы інжынер патрапіў у лякарню. Але падлячыўся і ўжо дома.
Пра свае новыя прыгоды сам Шалковіч напісаў у Фэйсбуку:
«Другі! Я наступным разам апынуўся дома! Мару аб тым, каб трохі тут пратрымацца… Пазбавіўся ўжо трохі пакоцанага жаўцяка (желчный пузырь). Трохі патэставаў БСМП — лякарня хуткай дапамогі. Працуюць там цудоўныя хлапакі і дзяўчаты. Я такой шчырай дапамогі ніколі не сустракаў!..
Пакуль будзем далей жыць, працаваць, марыць. Самі ведаеце аб чым! Пароль — шампанскае па крамах скончылася!»
Дарэчы, у Фэйсбуку спадар Анатоль піша па-беларуску! Зычым яму разам з усімі іншымі добрымі людзьмі добрага здароўя, спаўнення мараў і выкарыстання пароля.
Чытайце таксама:
«На мяне ідзе чалавек з ружжом і шчытом. Я трохі здзівіўся». Першае інтэрв’ю культавага Анатоля Шалковіча, які любіць «памідоры са смятанай»
Стала вядома, пра што 60 сутак за кратамі марыў Анатоль Шалковіч — аўтар мема пра памідоры са смятанай
Герой мема пра памідоры са смятанай Анатоль Шалковіч выйшаў на волю
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары