У Лізе Еўропы пяціразовы чэмпіён Беларусі сустрэнецца з балгарскім «Літэксам». Гэта ці не самы лепшы (прахадны) варыянт, што выпасці БАТЭ.
Барысаўскі БАТЭ атрымаў у супернікі баўгарскі «Літэкс» (галоўны трэнер - Станімір Стаілаў) з горада Ловеч, гэта ці не самы лепшы варыянт (у - сэнсе прахадны) з магчымых.
«Літэкс» быў заснаваны ў 1921 г., двухразовы чэмпіён Балгарыі (1998, 1999), прычым стаў першым у гісторыі балгарскага футбола клубам-дэбютантам, які ў першы сезон заваяваў залатыя медалі.
У мінулым сезоне ў чэмпіянаце Балгарыі «Літэкс» заняў 4-е месца. А ў розыгрышы Кубку УЕФА выбыў у першым асноўным раўндзе.
***
З балгарскімі клубамі беларусы гулялі 6 разоў (12 матчаў: дзве перамогі, чатыры нічыі, шэсць паразаў, баланс мячоў: 10-24).
У мінулым жніўні БАТЭ ў трэцім раўндзе кваліфікацыі Лігі чэмпіёнаў перамог «Леўскі» (1:0 у гасцях, 1:1 дома) і выйшаў у групавы турнір Лігі чэмпіёнаў.
Матчы БАТЭ - «Літэкс» пройдуць 20 і 27 жніўня. Першы матч пройдзе ў Барысаве.
Пераможца двубою трапіць у групавы турнір Лігі Еўропы.
***
БАТЭ перад лёсаваннем быў пасеяны ў першым кошыку, і яму маглі трапіць «Вердэр» ды «Эвертан».
Іншыя пары першага кошыку: ПАОК (Грэцыя) - «Херэнвен» (Галандыя), «Дынама» Заграб - «Хартс» (Шатландыя), «Эвертан» (Англія) - «Сігма» (Чэхія). «Вердэр» (Брэмен, Нямеччына) - «Актабэ» (Казахстан), за «Актабэ» выступае беларус Андрэй Лаўрык.
Пецярбургскі «Зеніт» (Сяргей Карніленка) згуляе з партугальскім «Насіяналам», пермскі «Амкар» (Міхаіл Афанасьеў) з лонданскім «Фулхэмам», данецкі «Металург», што выбіў з еўракубкаў МТЗ-РІПА, згуляе з венскай «Аўстрыяй», нарвежскі «Тромсё» з «Атлетыкам» з Більбао (Іспанія), «Славія» (Прага), за якую выступае Віталь Трубіла, згуляе з «Црвенай Звездай».
***
Нагадаем, што БАТЭ стартаваў з 2‑га раўнду кваліфікацыі Лігі чэмпіёнаў, абыграўшы «Македонію» (2:0, 2:0), а ў 3‑м раўндзе па выніках двух матчаў саступіў латвійскаму «Вентспілсу» (0:1, 2:1). «Вентспілс» у плей‑оф Лігі чэмпіёнаў згуляе з «Цюрыхам».
Каментары