Мярэжка памёр на 85-м годзе жыцця. На яго рахунку — сцэнарыі да 50 фільмаў, у тым ліку драмы «Палёты ў сне і наяве». У 2014 годзе яму было прысвоенае званне народнага артыста Расіі.
Памёр рэжысёр, сцэнарыст, акцёр, народны артыст Расіі Віктар Мярэжка, яму было 84 гады. Пра гэта ТАСС паведамілі ў Саюзе кінематаграфістаў.
Мярэжка напісаў сцэнарыі да 50 фільмаў і серыялаў (сярод іх «Радня», «Палёты ў сне і наяве», «Адзінокая жанчына жадае пазнаёміцца») і 12 мультфільмаў (у тым ліку «Царэўна-жабка», «Прыгоды пінгвіняняці Лолы» і іншыя).
Мярэжка — рэжысёр шматсерыйнага фільма «Сонька — Залатая ручка», у якім ён сыграў адну з роляў.
Ён нарадзіўся 28 ліпеня 1937 года на хутары Альгінфельд у Растоўскай вобласці (цяпер — пасёлак Паўднёвы). У 1961 годзе скончыў Украінскі Паліграфічны інстытут у Львове, а ў 1968-м — сцэнарны факультэт УДІКа.
У 1987 годзе атрымаў Дзяржаўную прэмію СССР за сцэнарый да «Палётаў у сне і наяве».
Каментары