Дзяждэп папярэдзіў Макея пра санкцыі ў выпадку ўдзелу Беларусі ў расійскай агрэсіі супраць Украіны
ЗША папярэдзілі ўлады ў Мінску аб наступствах у выпадку ўдзелу Беларусі ў расійскай агрэсіі супраць Украіны і зноў заклікалі вызваліць палітвязняў.
Памочніца дзяржсакратара ЗША па справах Еўропы і Еўразіі Карэн Донфрыд у тэлефоннай размове з міністрам замежных спраў Уладзімірам Макеем 3 лютага ўзняла тэмы, «якія выклікаюць трывогу: нарошчванне колькасці расійскіх войскаў у Беларусі і працяг парушэння правоў чалавека рэжымам Лукашэнкі».
«Яна чарговы раз выказала заклапочанасць ЗША наконт анансаванага Расіяй плана прыцягнуць 30 тысяч ваенных да вучэнняў на тэрыторыі Беларусі ў сітуацыі, калі больш за сто тысяч ужо размешчаныя на мяжы Расіі і Украіны, — гаворыцца на старонцы бюро Дзярждэпартамэнта ЗША па справах Еўропы і Еўразіі ў Твітары. — Памочніца дзяржсакратара Данфрыд падкрэсліла, што Беларусь сутыкнецца з тымі ж наступствамі, што і Расія, калі стане часткай плана па далейшым уварванні ва Украіну».
«Яна таксама падкрэсліла, што цяперашнія санкцыі ЗША супраць рэжыму Лукашэнкі з'яўляюцца адказам на парушэнне правоў чалавека. Яна заклікала рэжым вызваліць больш за тысячу палітвязняў, якія знаходзяцца ў беларускіх турмах», — адзначана ў паведамленні.
Чытайце таксама:
НАТА: Расія перакінула ў Беларусь 30 тысяч салдат
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары