Генеральны сакратар НАТА Столтэнбэрг заявіў пра найбуйнейшае разгортванне войскаў Расіі ў Беларусі. Паводле яго звестак, Масква перакінула ў суседнюю краіну сучаснае ўзбраенне і каля 30 000 вайскоўцаў.
За апошнія дні Расія перакінула ў Беларусь баявыя часткі ў колькасці каля 30 тысяч салдат і сучаснае ўзбраенне, заявіў у чацвер генеральны сакратар НАТА Енс Столтэнберг. Паводле яго слоў, гэта стала найбуйнейшым ваенным разгортваннем расійскіх войскаў у Беларусі з часоў заканчэння халоднай вайны, паведамляе Deutsche Welle.
Выступаючы перад журналістамі ў Брусэлі, Столтэнберг удакладніў, што Масква перакінула ў Беларусь, у прыватнасці, падраздзяленні спецназа, а з тэхнікі — знішчальнікі Су-35, ракетныя сістэмы падвойнага прызначэння (прызначаныя для вядзення як звычайнай, так і ядзернай вайны) «Іскандэр» і комплексы СПА С-400.
«Усё гэта адбываецца паралельна са штогадовымі вучэннямі ядзерных сіл РФ», — дадаў кіраўнік альянсу.
У той жа час у Кіеве хочуць верыць, што пасля расійска-беларускіх вучэнняў расійскія войскі пакінуць Беларусь.
«Мы спадзяёмся, што знаходжанне расійскіх войскаў будзе часовым, і па заканчэнні вучэнняў яны выйдуць з тэрыторыі Беларусі, — заявіў міністр абароны Украіны Аляксей Рэзнікаў. — Нашы Узброеныя сілы, памежнікі, Нацгвардыя, паліцыя, Служба бяспекі Украіны гатовыя. Мы назіраем ва ўсіх пяці абласцях, якія мяжуюць з сяброўскай нам Рэспублікай Беларусь. Адпаведна, мы адаптаваныя да змены сітуацыі».
Раней у той жа дзень Мінабароны РФ паведаміла аб тым, што ў рамках вучэнняў у Беларусь дастаўленая сістэма СПА далёкага дзеяння С-400 «Трыумф» і рыхтуецца заступіць на баявое дзяжурства на палігоне пад Брэстам.
Сёння ў Мінск прыбыў расійскі міністр абароны Сяргей Шайгу, які сустрэўся з Аляксандрам Лукашэнкам. Вучэнні запланаваныя на 10—20 лютага.
Чытайце таксама:
Лукашэнка расказаў пра асноўную мэту беларуска-расійскіх вучэнняў
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары