«З 2011 года мы будзем жыць як у Еўропе», — паабяцаў Аляксандр Лукашэнка. А што для вас значыць выраз «Жыць па‑еўрапейску»? — запытаўся карэспандэнт НН у людзей на вуліцы.
«З 2011 года мы будзем жыць як у Еўропе», — паабяцаў Аляксандр Лукашэнка. Што для вас значыць выраз «Жыць па‑еўрапейску»? — запытаўся карэспандэнт НН у людзей на вуліцы.
Вольга, 20 год: Я не ведаю як гэта — жыць па‑еўрапейску. Мы тут усе па‑беларуску жывём. Адкуль мы можам ведаць, як там жывуць людзі ў Еўропе.
Андрэй, 42 гады: Для мяне жыць па‑еўрапейску, гэта значыць мець якаснае медыцынскае абслугоўванне, гарантыі бяспечнага жыцця, быць упэўненым, што з маімі дзецьмі нічога не здарыца, калі я адпускаю іх у школу.
Павел, 28 год: Жыць па‑еўрапейску — гэта значыць адчуваць сябе абароненым з боку дзяржавы, найперш ў юрыдычным сэнсе. Мець магчымасць звярнуцца ў суд, не баючыся, што там праўды не знойдзеш.
Кацярына, 24 гады: Асабіста для мяне «еўрапейскасць» заключаецца ў іншай культурнай прасторы, магчымасці адчуваць сябе ў асяроддзі, якое кардынальна адрозніваецца ад нашага беларускага, прапітанага постсавецкай спадчынай.
Валерый, 69 год: Жыць па‑еўрапейску – гэта значыць быць свабодным, адчуваць сябе беларусам і жыць не ў беднасці, а ў дабрабыце.
Алена, 43 гады: Па‑еўрапейску, гэта значыць разам з Еўропай, а не асобна ад яе. Проста жыць прыстойна.
Генадзь, 50 год: Для мяне жыць па‑еўрапейску – гэта найперш жыць забяспечана ў матэрыяльным плане. Мець добры заробак, які б дазволіў ня толькі выжываць, але і адпачываць. Падарожнічаць. Хай сабе і не за межы Беларусі, а на Нарач.
Насця, 24 гады: Жыць па‑еўрапейску. Для мяне гэта проста добразычлівыя твары на вуліцах, а таксама права на ўласнае меркаванне.
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары