Jak u Jeŭropie — heta jak?
«Z 2011 hoda my budziem žyć jak u Jeŭropie», — paabiacaŭ Alaksandr Łukašenka. A što dla vas značyć vyraz «Žyć pa‑jeŭrapiejsku»? — zapytaŭsia karespandent NN u ludziej na vulicy.
«Z 2011 hoda my budziem žyć jak u Jeŭropie», — paabiacaŭ Alaksandr Łukašenka. Što dla vas značyć vyraz «Žyć pa‑ieŭrapiejsku»? — zapytaŭsia karespandent NN u ludziej na vulicy.
Volha, 20 hod: Ja nie viedaju jak heta — žyć pa‑ieŭrapiejsku. My tut usie pa‑biełarusku žyviom. Adkul my možam viedać, jak tam žyvuć ludzi ŭ Jeŭropie.
Andrej, 42 hady: Dla mianie žyć pa‑ieŭrapiejsku, heta značyć mieć jakasnaje miedycynskaje absłuhoŭvańnie, harantyi biaśpiečnaha žyćcia, być upeŭnienym, što z maimi dziećmi ničoha nie zdaryca, kali ja adpuskaju ich u škołu.
Pavieł, 28 hod: Žyć pa‑ieŭrapiejsku — heta značyć adčuvać siabie abaronienym z boku dziaržavy, najpierš ŭ jurydyčnym sensie. Mieć mahčymaść źviarnucca ŭ sud, nie bajučysia, što tam praŭdy nie znojdzieš.
Kaciaryna, 24 hady: Asabista dla mianie «jeŭrapiejskaść» zaklučajecca ŭ inšaj kulturnaj prastory, mahčymaści adčuvać siabie ŭ asiarodździ, jakoje kardynalna adroźnivajecca ad našaha biełaruskaha, prapitanaha postsavieckaj spadčynaj.
Valeryj, 69 hod: Žyć pa‑ieŭrapiejsku – heta značyć być svabodnym, adčuvać siabie biełarusam i žyć nie ŭ biednaści, a ŭ dabrabycie.
Alena, 43 hady: Pa‑ieŭrapiejsku, heta značyć razam ź Jeŭropaj, a nie asobna ad jaje. Prosta žyć prystojna.
Hienadź, 50 hod: Dla mianie žyć pa‑ieŭrapiejsku – heta najpierš žyć zabiaśpiečana ŭ materyjalnym płanie. Mieć dobry zarobak, jaki b dazvoliŭ nia tolki vyžyvać, ale i adpačyvać. Padarožničać. Chaj sabie i nie za miežy Biełarusi, a na Narač.
Naścia, 24 hady: Žyć pa‑ieŭrapiejsku. Dla mianie heta prosta dobrazyčlivyja tvary na vulicach, a taksama prava na ŭłasnaje mierkavańnie.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary