Кіраўнік МЗС Расіі прасіў краіны Еўрасаюза паасобку адказаць на яго пытанні аб бяспецы. Жазэп Барэль адказаў лістом ад імя ЕС.
Вярхоўны прадстаўнік Еўрасаюза па замежнай палітыцы і бяспецы Жазэп Барэль адправіў адзіны адказ ЕС на ліст міністра замежных спраў РФ Сяргея Лаўрова, у якім той прасіў адказаць кожную краіну Еўропы асобна на пытанні, звязаныя з міжнароднай бяспекай, піша Deutsche Welle.
«У Еўрасаюза адзіная знешняя палітыка і палітыка бяспекі, і наша мэта — дзейнічаць сумесна па ўсіх ключавых пытаннях. Гэта ўключае ў сябе і скаардынаваныя адказы на лісты, калі спатрэбіцца. Толькі тыя, хто хоча раз'яднаць нас, маглі б паставіць пад сумнеў гэтае рашэнне», — падкрэсліў Барэль. Ён адзначыў, што гэтае рашэнне прынялі ўсе 27 краін-удзельніц ЕС.
З нагоды зместу ліста ў паведамленні ведамства гаворыцца толькі, што ў ім ёсць адказы на ўзнятыя Лаўровым пытанні, а таксама пацвярджаецца гатоўнасць Еўрасаюза «працягваць дыялог з Расіяй, каб умацоўваць усеагульную бяспеку». Паводле агенцтва AFP, Барэль у сваім лісце заклікаў Маскву неадкладна адвесці войскі ад мяжы з Украінай і вывесці расійскіх ваенных з Беларусі.
А для абмеркавання пытанняў бяспекі «прыдатнымі форумамі» з'яўляюцца АБСЕ, Рада Расія — НАТА і іншыя існуючыя пляцоўкі, цытуе агенцтва адказ Еўрасаюза.
У міліцэйскім конкурсе прыгажосці перамагла амапаўка, якая ў 2020 годе разганяла пратэсты49
Каментары