Міжнародны алімпійскі камітэт разгледзіць пытанне ўдзелу непаўналетніх у Алімпіядах
Кіраўнік Міжнароднага алімпійскага камітэта (МАК) Томас Бах падзяліўся меркаваннем аб неабходнасці ўвядзення ўзроставага цэнзу на Алімпійскіх гульнях.
Адказ Баха прагучаў на пытанне аб допуску расійскай фігурысткі Камілы Валіевай да спаборніцтваў у Пекіне. Раней Спартыўны арбітражны суд дазволіў 15-гадовай спартсменцы працягнуць выступы, нягледзячы на станоўчы допінг-тэст. Яе ўзрост стаў абаронай ад разбіральніцтва.
«Не ўпэўнены, што мне бяспечна выказваць асабістае меркаванне па пытанні аб узроставых абмежаваннях, але ўсё ж. У сумленным спаборніцтве да ўсіх павінны прымяняцца аднолькавыя правілы. Нам трэба зразумець, як гэтага дамагчыся, улічваючы ўсе абставіны».
«Ёсць пытанні, якія неабходна вырашыць, гэта тычыцца праблемы непаўналетніх на спаборніцтвах для дарослых. Наш выканкам пачаў думаць пра гэта, гэта патрабуе абмеркавання і кансультацый», — цытуе ТАСС Баха, які адзначыў, што рашэнне аб мінімальным узросце ўдзелу ў Гульнях павінны прымаць прадстаўнікі федэрацый.
Каментары